Святой дня | Праздник дня

Вознеслся еси во славе, Христе Боже наш, / радость сотворивый учеником / обетованием Святаго Духа, / извещенным им бывшим благословением, / яко Ты еси Сын Божий, Избавитель мира.

Днесь спасения нашего глави́зна, и еже от века таинства явление: Сын Божий Сын Девы бывает, и Гавриил благодать благовеству́ет. Тем же и мы с ним Богородице возопии́м: радуйся, благодатная, Господь с Тобою.

Тропарь Благовещения Пресвятой Богородицы

Христо́с воскре́се из ме́ртвых,/ сме́ртию смерть попра́в и су́щим во гробе́х живо́т дарова́в.

Радуйся, благодатная Богородице Дево, из Тебе бо возсия́ Солнце правды Христос Бог наш, просвеща́яй сущия во тьме; веселися и ты, старче праведный, прие́мый во объятия Свободителя душ наших, да́рующаго нам воскресение.

Тропарь Сретения Господня

Во Иордане креща́ющуся Тебе, Господи, тро́ическое явися поклонение: Родителев бо глас свидетельствоваше Тебе, возлюбленнаго Тя Сына именуя, и Дух, в виде голубине, извествоваше словесе утверждение. Явле́йся, Христе Боже, и мир просвеще́й, слава Тебе.

Тропарь праздника Богоявления (Крещения Господня)

Рождество Твое, Христе Боже наш, возсия мирови свет разума: в нем бо звездам служащии звездою уча́хуся Тебе кланятися Солнцу правды, и Тебе ведети с высоты Востока. Господи, слава Тебе.

Тропарь Рождества